Kaisa - tu Musalmaan hai?

Kaisa - tu  Musalmaan hai?

 

Fajar neend mein.

Zuhar college ya job mein.
Asar araam mein.

Maghrib kaam mein.

Ishaa TV mein.

 

Jumah ke sirf doh rakaat.

 Wo bhi duniya ke khayal mein.

 

Agar koi tahajjud padhta hai to
ye bahut ta'jjub ki baat samajhte hain!

 

Yaad rahe…

Qabar main sabse
Pehele jo sawal hoga wo

Namaz hi ke bare main hoga.

 

Aap sabse guzarish hai ke apne momin

bhaiyon aur baheno ko namaz ki dawat dein.

Inshallah Allah

Aapp ko is ka ajar milega. 

 Allah us bande ki jayez hajaat poori karde jo

 ye message sab tak pahunchayega

( Aameen ).

~ BOHAT DINOO BAAD ~

~ BOHAT DINOO BAAD ~

 

 

Bohat Dinoo Baad

Tery Khat k Udas Lafzon Ne

Teri Chahat k Zaiqon Ki Tamaam Khushboo

Meri Ragoo Mein Undail Di Hay

Bohat Dinoo Baad

Teri Baatein

Teri Mulaqaat Ki Dhanak Se Dehakti SaAtein

Ujaar Aankhon Ki Pyas

Pataal Ki Tehon Mein

Visal Waadon Ki Chand Chingarion Ko

Saans Ki Aanch De Kar

Shareer Sholoon Ki Sarkashii k Tamaam Tewar

Sikha Gayi Hain

Tery Mehaktey Muheen Lafzon Ki Aabsharein

Bohat Dinoo Baad

Phir Se Mujh Ko Rula Gayi Hain

Bohat Dinoo Baad

Main Ne Socha

To Yaad Aaya

k Mery Ander Ki Raakh k Dhair Par Abhi Tak

Tery Zamaney Likhey Huye Hain

Sabhi Fasaney Likhey Huye Hain

Bohat Dinoo Baad

Main Ne Socha To Yaad Aaya

k Teri Yaadon Ki Kirchian

Mujh Se Kho Gayii Hain

Tery Badan Ki Tamaam Khushboo

Bikhar Gayi Hay

Tery Zamaney Ki Chahtein

Sab Nishanian

Sab Sharartein

Sab Hikayetein

Sab Shikayetein Jo Kabhi Hunar Mein Khayal Thin

 Khuwab Ho Gayi Hain

Bohat Dinoo Baad

Main Ne Socha To Yaad Aaya

k Main b Kitna Badal Gaya Hoon

Bichar k Tujh Se

Kayii Lakeeron Mein Dhal Gaya Hoon

Main Apney Cigrate k Be Irada Dhuwein Ki Surat

Hawa Mein Tehleel Ho Gaya Hoon

Na Dhoond Meri Wafa k Naqsh-e-Qadam k Raizey

k Main To Teri Talash k Be Kinar Sehra Mein

Weham k Be Amaan Bagolon k War Seh Kar

Udaas Reh Kar

Na Janey Kis Raah Mein Kho Gaya Hoon

Bichar k Tujh Se

Teri Tarah Kya Bataon Main b

Na Janey Kis Kis Ka Ho Gaya Hon

Bohat Dinoo Baad

Main Ne Socha To Yaad Aaya...!!!

Maine kaha

Maine kaha

Maine kaha ke mere liye kuch DUA kiya karo

Us ne kaha ke DUA pe na takiya kiya karo

Maine kaha ke zahen pe rehta hai bojh sa

Us ne kaha ke chhup ke kahin roya karo

Maine kaha ke tere khuwaab jaga dete hain

Us ne kaha ke raat ko socha na karo

Maine kaha ke raat ko neend nahi aati

Us ne kaha ke sone ki koshish kiya karo

Maine kaha ke dost nahi denge saath mera

Us ne kaha ke waqt pe yeh tajarba kiya karo

Maine kaha ke Dil main teri yaadein hain

Us ne kaha ke Dil ko samjhaya karo

Maine kaha ke tere milne ki umeed hai

Us ne kaha ke umeed na umeed bhi hoti hai

Maine kaha ke tumhari Ankhen meri Ankhen hongi

Us ne kaha ke chalo phir meri Ankhon main raha karo

Alfaz K Jhothay Bhandan Main

Alfaz K Jhothay Bhandan Main

Agraaz K Gehray Pardon Main

Her Shaks Muhabaat Kerta Hai

Haalaan K Muhabaat Kuch B Nahi

Sub Jhothy Rishtay Nataay Hain

Sub Dil Rakhnay Ki Baatain Hain

Kab Kon Kisi Ka Hota Hai

Sub Asli Roop Chupatay Hain

Ehsas Say Khali Log Yahan

Lafzon K Teer Chalatay Hain

Aik Baar Nazar Main Aa Ker Wo

Phir Sari Umer Rulatay Hain

!*!*!... MOJZA ...!*!*!

!*!*!... MOJZA ...!*!*!

 

 

Muhabbat Aur Khuwahish Mein Kayii Benaam Rishtey Hain

Magar Jo Ghor Se Dekhein

To Donoo Mein Bohat Se Faaslein b Iss Tarah Mojood Hain Jaisy

Samander Aik Hota Hay

Magar Uss k Kinaray Ik Doojay Se SaraSar Ajnabi Aur

Mukhtalif Raston Ko Chootay Hain

So Aisa Hay.....

Samay k Iss Samander Mein

Jahan Har Shay Badaltii Hay

Vohan Hum Tum b Badlay Hain....Badalna Tha

k Rishtey b Hamary Aks Ki Surat

Bohat Ahistagi Se iss Tarah Karwat Badaltey Hain

Basa Aokaat Bistar Par Parri Chadar Pe Silwat Tak Nahi Parrti

Na Aankhon Mein Safar Karty Purany Rung Hi Tabdel Hotay Hain

Na Baaton k Tasalsul Mein Koi Deewar Aati Hay

Bas Itna Hay.....

k Khuwahish Ki Band Mutthi Se Vo Jo Rait Si Pal Pal Phisalti Hay

Ussi k Beech Mein Shayed Vo Jazba b Kahin Hota Hay

Jis Ko Pyaar Kehty Hain

Muhabbat Naam Hay Jis Ka

Kabhi Aisa b Hota Hay

Humein Khud Apney Haathon Se

Phisalti Rait Ki Raizish Ka Andaza Nahi Hota

Magar Vo Girtii Rehti Hay

Kabhi Hum Usko Phir Se Jama Karney Aur Uthaney Ki

Koshish b Karty Hain

Magar Din Raat Ki Sarkash Hawayein

Iss Qadar Mitti Urrati Hain k Kuch b Ho Nahi Pata

Yeh Dil Faryad To Karta Hay Lekin Ro Nahi Pata

To Vo Aansoo

k Jin Ko Iss Phisalti Rait Mein Bikhrii Muhabbat Ko

Dobara Zindagi Dena Tha Aur Shadaab Karna Tha

Nahi Behtay

Vohi Aankhein k Jin Mein Har Gharrii Shammein Si Jalti Thin

Unhi Chehron Pe Hoti Hain Magar Un Mein

Magar Un Mein Muhabbat Aur Talluq Ki Purani Laow Nahi Hoti

Zamana...Un k Ander Se Guzar Kar Khud To Janay Kis Taraf Jata

Kahan Bisraam Karta Hay

Magar Uss k Ghabr-e-Raah Mein Uljhay Rastay

Kayii Chehry Badalty Hain

Muhabbat Karney Walay Shakhs Aur Un Ki Muhabbat b

Badaltey waqt Ki Yalgaar Se Bachney Ki Khatir

Ik Nayii Surat Mein Dhaltay Hain

Wafa...Haray Huye Maidan Se Jo Parcham Uthati Hay

Unhein Lashkar Nahi Milta

So Jaan-e-Jaan Agar Hum Tum

Badaltay Waqt Ki Iss Taiz Aandhi Mein Abhi Tak Aik Hain

Aur Ik Doojay k Liye Be Chain Rehtay Hain

To Shayad Yeh Hamary Bakht Ki Khoobi Hamari KhushNaseebi Hay

k Hum Donoo Guzartey Waqt Ki Sarkash Rawani Mein

Bahey,Bhatkey To Hain Lekin

Hamary Sahilon Ka Rukh Kisi Lamhey Nahi Badla

Yeh Husn-e-Ittefaq Aisa Hay Jo Qismat Se Milta Hay

Bohat Karrwa Sahi Lekin Yehi Sab Se Bara Sach Hay

k Jo Lamha Guzar Jaye

Vo Kitna b Muqaddas,Qeemtii Ya Khubsurat Ho

Kabhi Wapis Nahi Aata

Muhabbat Aur Khuwahish Aur

Un k Darmiyan Phaily Hoye BeNaam Rishtey b

Inhii Cheezon Mein Shamil Hain

Jinhein Yeh Waqt Ka Darya

Hamary Chahney Na Chahney Se Be Niaz-o-Be Khabar Ho Kar

Purani Diary,Pichlay Calenderon Ki Tarah tabdeel Karta Hay

Issay Ik Mojza Kahiye

k Khuwahish k Safar Mein Hum Ne Jitney Morr Katay

Jiss Qadar Rahwar Badlay Hain

Vo Sab Ik Sath Badley Hain

Na Girti Rait Badli Hay Na Apney Hath Badley Hain

Issay Ik Mojza Kahiye

k Hum Tum Saath Chaltay Hain

Issay Ik Mojza Kahiye...!!!