Kuch din to baso meri aankhon main
Phir khawab agar ho jao to kya!
Koi rung to do mere chehray ko
Phir zakham agar mehkao to kya!
Ik aaina tha so toot gaya
Ab khud se agar sharmao to kya!
Main tanha tha, main tanha hoon
Tum aao to kya, Na aao to kya!
Jab hum hi na mehkay phir sahib
Tum baad-e-saba kehlao to kya!
Jab daikhnay wala koi nahin
Bujh jao to kya, jal jao to kya!
No comments:
Post a Comment
Note: Only a member of this blog may post a comment.