~ MUJHAY AKSAR VO KEHTI THI ~

~ MUJHAY AKSAR VO KEHTI THI ~

 

 

Mujhay Aksar Vo Kehti Thi Muhabbat Kuch Nahi Hoti

Hijar Ka Khauf Be Matlub,Vasal k Khuwab Be Mani

Koi Soorat Nigahon Mein Kahan Din Raat Rehti Hay

Usay Kiun Khamoshi Kahiye k Jis Mein Baat Rehti Hay

Yeh Aansoo Be Zuban Aansoo Bhala Kya Bol Saktay Hain

Kahan Dil Mein Kisi Ki Yaad Se Toofan Uthtey Hain

Kahan Palkon k Saaye Mein Nami Din Raat Rehti Hay

Kahan Hoti Hain Vo Aankhein Jahan Barsaat Rehti Hay

Mujhay Aksar Vo Kehti Thi Muhabbat Kuch Nahi Hoti

Magar Jab Aaj Barson Baad Main Ne Uss Ko Dekha Hay

k Uss Ki Jheel Aankhon Mein Hijar Ka Khauf Rehta Hay

Vasal k Khuwab Rehty Hain Vohan Barsaat Rehti Hay

Yun Lagta Hay Kayii Raaton Se Vo Soyi Nahi Shayed

Yun Lagta Hay Kisi Ki Yaad Ab Din Raat Rehti Hay

Aur Uss Ki Narm Palkon k Haseen Saaye b Geely Hain

Aur Uss Ki Khamoshi Aisi k Jis Mein Baat Rehti Hay

Mujhay Ab Vo Nahi Kehti Muhabbat Kuch Nahi Hoti

k Ab Shayed Muhabbat Ki Vo Sab Ramzein Samajhti Hay...!!!